பின்பற்றுபவர்கள்

சமூக அவலம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
சமூக அவலம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

1 ஆகஸ்ட், 2012

செல்லதுரை லெனின் - ஒரு பரிதாப மரணம் !

சிங்கப்பூரில் முறைப்படியான வேலை அனுமதி அட்டை இல்லாமல் எங்கும் வேலை செய்ய முடியாது, குறிப்பிட்ட கால சுற்றுலா அனுமதி அல்லது வேலை அனுமதி முடிந்து திரும்பாமல் இருப்பவர்கள் மற்றும் வேறுவழியாக உள்ளே நுழைந்தவர்களை கள்ளக் குடியேறிகள் என்பார்கள், பத்தாண்டுக்கு முன்பு வரை கள்ளக் குடியேறிகளின் எண்ணிக்கை குறிப்பிட்ட அளவு இருந்தது, பின்னர் அரசின் கடுமையான விதிமுறைகளினால் கள்ளக் குடியேறிகளை ஓரளவு வெளியேற்றினார்கள். கள்ளக் குடியேறிகள் சிங்கப்பூர் நுழைவிற்கான வாய்ப்பு வேலை வாய்ப்பு ஆசை காட்டி முகவர்களால் சுற்றுலா அனுமதியில் அழைத்து வரப்பட்டு விட்டு செல்லுதல் என்ற அளவிலும், ஏற்கனவே வேலைக்கு பணம் கட்டி குறிப்பிட்ட வேலையில் குறைந்த ஊதியம் என்ற நிலையில் நிறுவனத்தைவிட்டு சொல்லிக் கொள்ளாமல் வெளியேறி, முகவருக்கு கொடுத்தப் பணத்தை ஈட்ட வழியின்றி வெறெங்காவது தங்கிக் கொண்டு வேலை தேடுதல் என்ற அளவில் கள்ள குடிநுழைவிற்கான வாய்ப்புகள் இருப்பதால் கள்ளக் குடியேற்றத்தை முற்றிலுமாக தடுக்க முடியாத நிலை உள்ளது. இதனைக் கட்டுப்படுத்த கள்ளக் குடியேறிகள் மற்றும் முறைப்படியான வேலை அனுமதி இல்லாதவர்களை வேலைக்கு வைத்திருப்பது சட்டப்படி குற்றம் அதற்கு சிறை தண்டனை மற்றும் ஆயிரக் கணக்கில் தண்டம் ஆகியவை குற்றவியல் சட்டமாக உள்ளது, எனவே கள்ளக் குடியேறிகளுக்கு 99.99 விழுக்காட்டினர் வேலை கொடுக்க மாட்டார்கள். அதுமட்டுமின்றி வேலை அனுமதி கிடைக்கப் பெற்றவர்களுக்கும் எந்த நிறுவனங்களுக்காக வேலைக்கு வந்தார்களோ அந்த நிறுவனம் தவிர்த்து வேறு எங்கும் வேலை செய்வதும் சட்டபடி குற்றம், நிரந்தரவாசி தகுதி பெற்றவர்களும், குடிமகன்களுக்கும் இந்த விதி பொருந்தாது என்றாலும் ஒரே நபர் ஒன்றுக்கும் மேற்பட்ட இடங்களில் வேலை செய்தால் அதற்குறிய கணக்கு வழக்குகளை முறையாக வைத்திருக்க வேண்டும், இல்லை என்றால் வருமானவரி ஏய்ப்பு குற்றச் சாட்டுக்கு உள்ளாக நேரிடும். 


இவ்வளவு கெடுபிடிகள் இருந்தும் ஒப்பந்த அடிப்படையில் வேலை எடுத்த முதலாளிகளில் ஒருசிலர் கள்ளக் குடியேறிகளுக்கு வேலை கொடுக்கின்றனர், இதற்கு காரணம் முறையான வேலை அனுமதியுடன் ஒருவரைப் பணிக்கு அமர்த்த அந்த நபரின் கல்வித் தகுதியுடன் விண்ணப்பம் செய்து, தங்குமிடம், முறையான ஊதியம் மற்றும் காப்பீடு ஆகியவற்றுடன் ஒருவருக்கு குறிப்பிட்ட தொகை அரசிற்கு லெவியாக செலுத்த வேண்டி இருக்கும், இது கூடுதல் செலவு என்பதால் கள்ளக் குடியேறிகளை அமர்த்துவர்.  ஆனால் இப்படியாக வேலைக்கு அமர்ந்தவர் இந்த முதலாளிகளிடம் எதையும் கேட்டுப் பொற முடியாது, கொடுப்பதைத் தான் வாங்கிக் கொள்ள வேண்டும், தவிர விபத்து நேர்ந்தால் எந்த இழப்பீடும் கிடைக்காது, சம்பளமே கொடுக்கவில்லை என்று முதலாளியிடம் தகராறு செய்தால் குறிப்பிட்ட நபர் எங்கு  தங்கி இருக்கிறார் என்பதை காவலர்களுக்கு தெரிவித்து சிக்க வைத்துவிடுவர், தவிர குறிப்பிட்ட நபர் அந்த முதலாளியிடம் வேலை செய்வதற்கான எந்த ஆதரமும் வைத்துக் கொள்ளவும் மாட்டார்கள். வெளியே சொன்னால் வேலைக்கு கூப்பிடவும் மாட்டார்கள், 

இவ்வளவு சிக்கல்களையும் தாண்டி எதோ ஒரு நம்பிக்கையின், வறுமையின் அடிப்படையில் வேலை செய்பவராக கள்ளக் குடியேறிகள் உள்ளனர். 10 ஆண்டுக்கு முன்பு வரை தமிழ் நாளிதழ்களில் இன்னார் பணியில் இருந்து ஓடிவிட்டார் என்று புகைப்படத்துடன் தகவலும் அந்த நபரை எங்கேயாவது பார்த்தால் தெரிவிக்க வேண்டும் என்று ஒரு தொலைபேசி எண்ணும், அவருக்கு வேலை கொடுப்பது சட்டபடி குற்றம் என்ற எச்சரிக்கை விளம்பரங்கள் வாரம் ஒன்றாவது வரும். அரசாங்கக் கட்டுபாடுகளினால் கள்ளக் குடியேற்றம் முற்றிலும் ஒழிந்த நிலையில் அத்தகைய விளம்பரங்கள் மிக அரிது, தற்போதைய விளம்பரங்களில் எப்போதாவது ஒன்றாக 'பணிப் பெண்ணைக் காணவில்லை' என்ற அளவில் வேலைக்கு வந்து (வேலையில் தாக்கு பிடிக்கமுடியாமல் அல்லது வேறு காரணங்களுக்காகவோ) வேறு எங்கேயாவது சென்றவர்களைப் பற்றிய விளம்பரங்கள் வருவதுண்டு.

இன்றைக்கு வந்த செய்தி மிகவும் கவலையாகவும் வேதனையாகவும் இருந்தது, முறைப்படியான அனுமதி இல்லாமல் வேலைக்கு வைத்திருந்தவருக்கு விபத்து நேர்ந்ததும், முதலாளி அவரை கொண்டு சாலை ஓரத்தில் போட்டுச் சென்றுவிட்டு, தொலை பேசி வழியாக 'யாரோ உயிருக்கு போராடுகிறார்கள்' என்று தொலைபேசியில் விபத்துப் பிரிவுக்கு அழைத்துச் சொன்னாராம், ஆம்புலன்ஸ் வந்து சேருவதற்குள் அந்த நபர் இறந்துவிட்டார். அதாவது 

செல்லதுரை லெனின் என்பவரை (வயது 47) முறைப்படியான வேலை அனுமதி இல்லாமல் சீன முதலாளி ஒருவர் வேலைக்கு அமர்த்தி இருந்தார், வேலையின் போது கீழே விழுந்ததில் தலையில் பலத்த அடிபட்டு இரத்தம் வெளியேற அருகில் இருந்த க்ளீனிக் மருத்துவர்களிடம் அழைத்துச் சென்றிருக்கிறார், மருத்துவர்கள் சோதித்து இவர் மிகவும் தளர்வாக இருக்கிறார், உடனடியாக பெரிய மருத்துவமனைக்கு கொண்டு செல்லுங்கள் என்றதும், வெளியே தெரிந்தால் சிக்கல் என்பதால் சந்தடி இல்லாமல் அவரை காருக்குள் திணித்து ஆள் அரவமற்ற சாலையில் கிடத்திவிட்டு அழைத்துச் சொல்லி இருக்கிறார். ஆனால் நபர் பிழைக்கவில்லை. ஒரளவு மனிதாபிமானம் இருப்பதால் அழைத்துச் சொல்லி இருக்கிறார் என்றே கருதுகிறேன், இருந்தாலும் அரசை ஏமாற்றியது குற்றம் தான்.

கள்ளக் குடியேறிகளுக்கு சிகிச்சை அளிக்காமல் அரசு கைவிரித்துவிடாது, சிகிச்சை முடிந்ததும் சிறையில் அடைப்பார்கள், கூடவே வேலைக்கு வைத்திருந்தவர்களுக்கு தண்டனை உண்டு, செல்லதுரை வின்சண்ட் என்பவர் எப்படி கள்ளக் குடியேறி ஆனார் என்பதன் விவரம் தெரியவில்லை, பொழைக்கலாம் என்று வந்த இடத்தில் ஆதரவற்று இறந்து கிடந்தது மிகவும் வேதனையான ஒன்று, அவருக்கு காத்திருக்கும் உறவினர்களுக்கு இந்த செய்தி பேரிடியாக இருக்கும்.

முகவர்களை நம்பி வேலைக்கு வருபவர்கள் முறைப்படியான வேலை அனுமதியை சென்னையில் இருந்தே சரிபார்க்க முடியும், வேலையில் தாக்கு பிடிக்கமுடியாமல் வேலை மிகக் கடுமையானதாக இருந்தால் மனிதவள துறையில் தெரிவித்துவிட்டால் அவர்களே வெளியேற்றுவதற்கான நடவடிக்கைகளை எடுப்பார்கள், ஆனாலும் முகவர்களிடம் கொடுத்த பணம் திரும்பக் கிடைக்க வாய்ப்பு இல்லை, இவ்வளவு 'ரிஸ்க்' எடுத்து வெளிநாட்டிற்கு சென்றால் தான் பிழைக்க முடியும் என்ற நிலைக்கு தனி நபராக ஒருவர் தன்னைத் தானே தன் தகுதி குறித்து நொந்து கொள்ள முடியுமா ? அல்லது குடிமக்களை அந்த நிலைக்கு வைத்திருக்கும் மத்திய மாநில அரசுகளை குறை சொல்ல முடியுமா ?

அறிவு ஜீவிகளாய் வெளிநாட்டிற்குச் சென்று கக்கூஸ் கழுவும் வேலை செய்கிறவன் உள்நாட்டில் செய்வானா ? என்ற கேள்வியைக் கேட்டுவிட்டு தீர்வு சொல்லிவிட்டது போல் நம்மை நாமோ  மெச்சிக் கொள்கிறோம்,  வெளிநாட்டில் கக்கூஸ் கழுவ கொடுக்கும் கூலியை உள்நாட்டிலும் கொடுத்தால் ஏன் செய்ய மாட்டார்கள் ? ஒரு காலத்தில் சாராயம் விற்பது கேவலம் என்ற நிலையை, அரசே அந்த வேலையையும் ஒரு பணியாக அமர்த்தி கேவலம் என்பதை மாற்றிவிடவில்லையா ? டாட்டாவோ பிர்லாவோ கீழ் நிலையில் இருந்து முன்னேறினால் எல்லோராலும் அவ்வாறு முன்னேற முடியுமா ? திடீர் பணக்காரர்களின் பின்னனிகளை ஆராய்ந்து, அவர்களின் முன்னேற்றத்தினால் வீழ்த்தப்பட்ட பின்புலன்களை யாரும் கணக்கில் எடுத்துக் கொள்வதே இல்லை.

திருடுவது, கூலிபடையாக இருப்பது, தீவிரவாத குழுக்களில் சேருவது, விபச்சார முகவராக இருப்பது உள்ளிட்ட கல்வித் தகுதி சாராத வேலைகளில் விருப்பம் இல்லாமல் நேர்மையாக பிழைப்போம் என்று தானே வெளிநாடுகளுக்கு  செல்கிறார்கள், போகிற இடத்திலும் சோதனை என்றால் ?

செல்லதுரை லெலினின் பரிதாப மரணத்திற்கு நாம் யாரைக் குறைச் சொல்ல முடியும் ?

மதமும் மார்க்கமும் !

எந்த மதத்தை ஏற்றுக் கொண்ட(?) அத்தனை மக்களும் (அல்லது 50 விழுக்காடேனும்) மன மகிழ்ச்சியோடு இருக்கிறார்களோ அதுவே உண்மையான நல்வழி மதமாகும், ஆனால் அப்படி ஒன்று உலகில் இருந்ததே இல்லை




"மதம் பிடித்தால் யானையைவிட மனிதன் மிதிக்கும் உயிர்கள் எண்ணிக்கையில் மிகுதி"



இறைவன் - மதம்

இறைவன் எந்த ஒரு மதத்தையும் படைக்கவில்லை மாறாக மதங்கள் தங்களுக்கான இறைவனை படைத்துக் கொண்டன என்று சொல்வதே சரி !
கடவுள் குறித்த கற்பனை புனிதங்களைவிட/புரிதல்களை விட அவைபற்றிய உண்மைகள் மிகவும் இயல்பானவை/எளிதானவை !

-கோவியார்