அருக்காணிகளும் அவாளும் எஸ்விசேகரும் !

பார்பனர் எஸ்விசேகர் ஒ.பன்னீர் செல்வம், சட்டசபையில் 'அவா .., அவா' ன்னு பிராமணாள் பாஷை பேசி பிராமணர்களை அவமானப்படுத்திவிட்டார் என்று குற்றம் சாட்டி இருக்கிறார்.

சாதியைக் கட்டிக் கொண்டு மாரடிக்க வேண்டுமென்றால் தாரளமாகச் செய்யலாம், சாதி அபிமாணிகள் தங்கள் சாதியைச் சொல்லிக் கொள்ளத் தடையே இல்லை. ஆனால் 'நான் பிராமணன்' என்று குறிப்பிட்டுச் சொன்னால் அதற்கு எதிரிவினையான ஏச்சுக்களும் பேச்சுக்களும் வரத்தான் செய்யும், எஸ்விசேகர் அண்ட் பார்பன சமுதாயம் தங்களை 'பிராமணர்கள்' என்றால் அவர்கள் அல்லாதோர் சூத்திரர்களா ? இந்துமதத்தை நம்புபவர்கள், வேதங்களை ஏற்றுக் கொள்பவர்கள் ஒருகாலமும் பார்பனர்கள் தங்களைத் தானே பிராமணர்கள் என்று அழைத்துக் கொள்வதை விரும்புவதில்லை, மேலும் பிராமணன் என்று சொல்வது பிறப்பின் அடிப்படைக் கிடையாது. செயலாலும் ஒழுக்கத்தாலும் ஒருவன் பிரமணனனா இல்லையா என்று தீர்மாணிக்கப்படுகிறது என்கிற வியாக்யானம் பேசுவர்களை நோக்கி இந்துக்கள், 'பிறப்பின் அடிப்படையில் பார்பனர்களை ஏன் பிராமணர்கள் என்று சொல்ல வேண்டும் ? கேட்டால் அதற்கு பதில் சொல்ல வேண்டியது அவ்வாறு அழைத்துக் கொள்ளும் பார்பனர்களது கடமை. பார்பனர்கள் தங்களை பிராமணர்கள் என்று அழைத்துக் கொள்வது தவறு. பிறப்பு அடிப்படை பார்பனர்களுக்கு எந்த தகுதியின் அடிப்படையில் பிராமணர் பட்டம் வழங்கப்படுகிறது ? உபநயனம் வெறும் சாதிச் சடங்குதான். அதை ஆசாரியார்களும், பத்தர்களும் கூட போட்டுக் கொள்கிறார்கள்.

பார்பனர்கள் தங்களை பிராமணர்கள் என்று அழைத்துக் கொண்டாலும் பொதுமக்கள் பார்பனர்களை பிராமணர்கள் என்று குறிப்பிடுவதைத் தவிர்க்க வேண்டும். ஊரில் ஒருவன் நெற்றியில் 'நான் தான் நல்லவன்' என்று எழுதிக்கொண்டு திரிந்தால் மற்றவனை மறைமுகமாக மோசமாக விளம்பரப்படுத்துகிறான் என்றே பொருள். இந்து மதப் படி பிராமணன் என்பது சாதிப் பிரிவு கிடையாது, பார்பனர்கள் சாதி பற்றுக் கொண்டால் தங்களைப் பார்பனர் என்று சாதிப் பெயரைக் குறிப்பிட்டுக் கொள்வதில் யாருக்கும் நட்டம் இல்லை

***

சரி விசயத்து வருகிறேன். ஓ பன்னீர் செல்வம் அவாள் பாஷை பேசி 'பார்பனர்களை' அவமானப்படுத்துகிறார் என்று கூறும் முன், நகைச்சுவை என்ற பெயரில் தான் எழுதும் நாடகங்களில் 'கிராமத்தினரைப் பற்றி கிண்டல் அடித்தை நினைத்துப் பார்த்தார் ? , அவர் எழுதிய 'அமெரிக்காவில் அருக்காணி' நாடகங்களைக் கேட்டுப் பாருங்கள், நகைச்சுவை என்ற பெயரில் கிராமத்தினரை மிக மோசமாக கிண்டல் அடித்திருப்பது தெரியும். நமக்குத் தெரிந்து அமெரிக்கச் செல்லும் அருக்காணிகள் அருக்காணிக்களாகவே திரும்பிவருகிறார்கள். ஆனால் அங்கே டூ பீஸ் உடையில் உலாத்தும் இந்தியர்களில் எத்தனை பேர் அருக்காணிகள் ?

அடுத்தவனைக் கை நீட்டிக் குற்றம் சொல்லும் முன் தன்னைப் பார்த்துக் கொள், அண்ணா அன்று சொன்னார்...எஸ்விசேகர் போன்ற முற்போக்கு வேடமிடும் பார்பனர்களுக்கு பொருந்தும்.