பதிவர் 'பித்தனின் வாக்கு' இரங்கல் தகவல்

நமக்கு தெரிந்தவர்கள், பழகியவர்கள் உயிரோடு இல்லை என்ற தகவல் சில நாள் கழித்து கிடைக்கும் போது நெருக்கத்தப் பொருத்து அவர்களைப் பற்றிய சிந்தனை ஓடும், மரணம் எப்போதும் நம்மை துறத்திக் கொண்டு தான் இருக்கிறது. ஒரு சிலரை விரைவாக பிடித்துவிடுகிறது, ஒரு சிலருடன் பல ஆண்டுகள் பின் தொடர்கிறது, பலருடன் நடந்தே சென்று ஒரு நாள் கை கொடுத்து அணைத்துக் கொள்கிறது. மரணத்திற்கு பிடிக்காதவர்கள் எவரும் இல்லை, அதற்கு எவ்வளவு நம்மை பிடிக்கிறது, பிடிக்கவில்லை என்பதைப் பொருத்து நம் வாழ்நாள், இந்த ஓட்டத்தினூடாகத் தான் நாம் பல்வேறு உணர்ச்சிகள், குற்ற உணர்ச்சிகளோடு, ஆணவம், எல்லாவற்றையும் சுமந்து கொண்டு ஓடுகிறோம், நம்மோடு சேர்ந்து அவைகளும் மறைந்து போகின்றன, பின்னர் வேறு பலரின் நினைவுக்குள் மட்டும் அவர்கள் இருக்கும் வரை வாழ்வோம், அதுவும் நமக்கு தெரியாத ஒரு வாழ்க்கை, நம்மால் உணரமுடியாத வாழ்க்கை.

*****

பித்தனின் வாக்கு என்ற பெயரில் பதிவு எழுதும் சுதாகர் சிங்கையில் இருந்து அவற்றை எழுதினார், பதிவர் சந்திகளில் நேரடி அறிமுகம் கிடைத்தது, அவரது சமூகம் சார்ந்த கருத்துகளில் எனக்கு ஏற்பு இல்லை என்றாலும், நகைச்சுவை பதிவுகள், துணுக்குகள், சமையல் பற்றி அவர் எழுதியவை சுவையானவை. நேரில் பழகுவதற்கும் இனியவர், சிங்கையில் ஈராண்டுகள் (2008-2010) பணிபுரிந்தார், பின்னர் சென்னைக்கு திரும்பி கல்பாக்கத்தில் தங்கி, நாள் தோறும் பைக் பயணமாக சென்னையில் வேலை பார்த்து வந்தார், நான் சென்னை வரும் போது அழைத்துப் பேசுவார், எப்போதும் முக நூலில் தொடர்பில் இருப்பார்,  உடன் பிறந்த உறவுகள் தவிர்த்து அவருக்கு தனிக்குடும்பம் இல்லை. ஒண்டிக்கட்டைத்தான் 

3 மாதம் முன்பு பணித் தொடர்பில் சிங்கை வந்திருந்தார், தங்குவதற்கு தேவையான ஏற்பாடுகளை செய்து கொடுத்தேன், இரண்டு நாட்கள் இருந்தார், முதல் நாள் மாலையும் அடுத்த நாள் மாலையும் சந்தித்துப் பேசினேன், ஒத்தையாளாக இருக்கிங்க சேமிப்பு கையிருப்பு வைத்துக் கொள்ளுங்கள், முடிந்தால் சொந்தமாக சிறிய வீடு ஒன்றை வாங்கிக் கொள்ளுங்கள் என்றேன், கொஞ்சம் சேமிப்பு இருக்கு ஆனா வீடு வாங்கும் அளவுக்கு இல்லை, முயற்சிக்கிறேன் என்றார்.

நாள் தோறும் கல்பாக்கத்தில் இருந்து 40 நிமிட பைக் பயணம் செய்து வேலை செய்கிறேன் என்றார், இந்த வயதில் 40 நிமிட பயணம் நல்லது அல்ல, முடிஞ்ச அளவு சென்னையில் தங்கி வேலை பார்க்கலாமே என்றேன், தனிமையில் இருப்பதைவிட அண்ணன் வீட்டில் வசிப்பது மன நிறைவாக உள்ளது, அண்ணன் மகளுடன் பொழுது போகிறது என்றார்

புறப்பட்ட நாளில் விமான நிலையத்திற்கு டாக்சி பிடித்து அனுப்பினேன் போகும் போது மொபைலை தவறவிட்டுச் சென்றார், ஒருவழியாக டாக்சி ஓட்டுனரை தொடர்ப்பு கொண்டு திரும்ப போனைப் பெற்று அடுத்து சிங்கை வந்த வேறு நண்பர் மூலமாக சென்னைக்கு அனுப்பி வைத்தேன், பெற்று கொண்டு நன்றி தெரிவித்தார் 

அவர் சிங்கையில் இருந்து போன பிறகு ஒருமுறையாவது திரும்ப வரவேண்டும் என்று சொல்லிக் கொண்டு இருந்ததை நிறைவேற்றிக் கொண்டது போல் தெரிகிறது கடந்த அந்த இருநாள் பயணம், சிங்கையில் முன்பு பார்த்து, பார்க்க விரும்பிய கோயில்களை பார்த்து , சாப்பிட விரும்பிய உணவு கடைகளில் சாப்பிட்டு வந்ததாக சொன்னார் வேறு/மாறுபட்ட கருத்துகள் எனக்கும் அவருக்கும் இருந்தாலும் ஒரு வயது தான் வேறுபாடு என்றாலும் என்னை மரியாதையுடன் அழைத்து பேசுவார் 

நேற்று (06/ஜூலை/2017)அவரது உறவினர் அவர் மறைவு குறித்து முகநூலில் பகிர்ந்தது என் பார்வைக்கு டைம்லைனில் வந்தது, மாரடைப்பில் உயிர் பிரிந்ததாக குறிப்பிட்டு இருந்தனர், மேற்கொண்டு தகவல்கள் எதுவும் இல்லை

அவர் தற்போது இல்லை என்பது நம்புவதற்கு கடினமாக உள்ளது. பதிவுலகம் மூலமாக அவரை அறிந்தவர்கள் தொடர்பு கொண்டவர்களுக்கு தகவலாக இதனை இங்கு பதித்துள்ளேன்

நண்பரின் ஆன்மா அமைதியடையட்டும்

மார்ச் 2017ல் சிங்கை வந்திருந்த போது எடுத்தப்படம்

பட்டையும் நாமமும் இன்றைய கணிணி அறிவியலும் !

Symbols எனப்படும் குறியீடுகள் மொழிகளைக் கடந்த முதன்மை அடையாளங்கள், அதை உலகப் பொது மொழி என்றும் சொல்லலாம். பருப்பொருள்கள் (Matererial) அனைத்தும் குறியீடுகள், அவற்றின் தனித்தன்மையைச் சுட்டிக்காட்டி அடையாளப்படுத்த அவற்றிற்கு பெயர் வைத்து வழங்குகிறோம். பெயர் என்று சொல்லும் போது அவை மொழி அடையாளங்களைக் கொள்கின்றன. பெயரை நீக்கிவிட்டுப் பார்த்தால் பொருள்களில் எஞ்சி இருப்பது அதன் தன்மைகள் மட்டும் தான். தகவல் பரிமாற்றத்திற்காக பெயர்சொல்கள் பயன்படுகின்றன என்பதைத் தவிர்த்து ஒரு பொருளில் பெயர் அதன் தன்மையில் எத்தகைய மாற்றத்தையும் ஏற்படுத்திவிடாது.

குறியீடுகள் பண்டைய காலம் முதலே பயன்பாட்டில் இருக்கிறது, அவற்றை நாம் இன்றைக்கு கணனியில் பயன்படுத்திவருகிறோம், புதிய குறியீடுகளை அமைத்துக் கொள்கிறோம், எந்த ஒரு மொழிக்கும் புதுச் சொற்கள் ஏற்படுகிறதோ இல்லையோ அன்றாடம் எதோ ஒரு குறியீடுகள் ஏற்படுத்தப்பட்டுக் கொண்டே இருக்கும். மொழிகளில் எழுத்துக்கள் ஒலியின் குறியீடுகள் தான்.

கல்வி அறிவு இல்லாதோர் அன்றைய காலத்தில் கணக்குகளை கோடுகளால் எழுதிக் கொள்வர், அவர்களுக்கு தெரிந்தது நேராக ஒரு கோடு, பத்துவரை எண்ணுவதற்கு ஒன்பது கோடுகளைப் போட்டு 10 ஆவது எண்ணிக்கையை குறுக்குக் கோடாகப் போட்டு 10 வரை எண்ணிக்கையை அமைத்துக் கொண்டு கணக்குகளில் பயன்படுத்திக் கொள்வர். அவை ஒருபரிமாணக எண் குறியீடுகள், கோடுகளின் நீள அகலத்தில் வேறுபாடுகள் இருக்காது. கணனியைப் பொருத்த மட்டிலும் அது 1, 0 தான் கணக்கில் எடுத்துக் கொள்ளும் என்பது அனைவருக்குமே தெரிந்தது. கணிணியும் கல்வி அறிவு அற்றது தானே.

இன்றைக்கு பேரங்காடிகளில் பயன்படுத்தப்படும் பொருள்களின் விலை ஒட்டியில் (Price Sticker) இருக்கும் பட்டைக் கோடுகள் (BAR Code) பற்றி ஓரளவுக்கு அனைவருக்குமே தெரியும். கணிணி வழியாக, கருவிகள் வழியாக விரைவாக படிக்கக் கூடியதாக பட்டைக் கோடுகள் அமைக்கப்பட்டு இருக்கின்றன. அவை இருபரிமாண (2D) கோடுகளாக இருக்கும், ஒவ்வொரு ஆங்கில எழுத்துக்கும் ஏற்றார் போல் அதன் அகலத்திலும், அடுத்த எழுத்தின் இடைவெளி ஆகியவற்றில் வேறுபாடுகள் இருக்கும்.

1952 அக்டோபர் 7 ஆம் (அன்றைய, இன்றைய ) தேதி முதன் முதலாக பட்டைக் கோடுகள் பொதுப்பயன்பாட்டிற்கு வந்ததாக சொல்கிறார்கள். இன்றைக்கு சிங்கப்பூர் கூகுளைத் திறந்ததும் கூகுள் முதல் பக்கத்தில் பட்டைக் கோடுகளால் கூகுள் என்று எழுதி இருப்பதைப் பார்த்தேன், பட்டைக் கோடுகள் படிப்பான் (Scanner) இருந்தால் அதனை படிக்கலாம். (கூகுள் எனக்கு பிடிச்சிருக்கு)



இன்றைக்கு பட்டைக் கோடுகளின் பயன்பாடுகள் மிகப் பெரியது, தானியங்கி இயங்கு தளங்கள் (Automatic System) அனைத்திலும் இந்தப் பட்டைக் கோடுகளே பயன்படுகின்றன. முழுவதும் கணிணி மயமாக்கப்பட்ட விமான நிலையங்களில் செல்லும் பயணிகளின் உடைமைகளை (Baggage) அந்தந்த விமானங்களுக்கும் ஏற்ற பிரித்து அனுப்பவும், இறங்கிய பயணிகளின் உடைமைகளை அந்தந்த இழுவை (Belt) பகுதிக்கு பிரித்து அனுப்பவும் வகையில் படிக்கக் கூடிய ஒட்டியாக பயன்படுகிறது. பேரங்காடிகளில் பொருளுக்குரிய விலையைக் கொடுக்காமல் மறந்து அல்லது கவர்ந்து வந்தாலோ, சரியாக பிடித்துவிடுவார்கள். மொத்தப் பொருள்களையும் முப்பரிமாண முறையில் அந்தப் பகுதியை கடக்கும் போது அங்கு இருபுறமும் பொருத்தி இருக்கும் கருவி படித்து பட்டியல் இட்டுக் கொண்டு, பிறகு அவை பணம் செலுத்திய விலைப் பட்டியல் கணிணியில் இருப்பதுடன் ஒப்பிட்டுப் பார்த்து சரியாகப் பொருந்தவில்லை என்றால் மின் ஓசை எழுப்பி காட்டிக் கொடுத்துவிடும். ஒரே ஒரு பொருளை தெரியாமல் மறைத்து எடுத்துச் செல்பவர்கள் கூட சிக்குவது இப்படித்தான். அந்த நாள் இதே பொருளை ஒற்றையாக யாராவது வாங்கி இருக்கிறார்களா என்று ஒப்பிட்டுப் பார்த்து இல்லை என்றால் மின் ஓசை எழுப்பிவிடும். (ஒட்டியை பிய்த்து எரிந்துவிட்டு எடுத்துவரலாம், ஆனால் அப்படி பிய்த்து எரியும் போது அவை கண்காணிப்பு அசைபடக் கருவியில் பிடிக்கப்படாமல் இருக்கவேண்டும்... எப்படிப் பார்த்தாலும் பணம் கொடுக்காமல் எடுத்துவரும் பொருள்கள் காட்டிக் கொடுத்துவிடும்)

பட்டைக் கோடுகளை மிகச் சாதரணமாக அதற்குரிய படிப்பான்கள் மூலம் படிக்கப்படும், பொதுவாக பட்டைக் கோடுகளில் பொருள் குறியீட்டு எண்கள் மட்டுமே அச்சிடப் பட்டு இருக்கும், அவை படிக்கப்படும் போது அதற்கான முழுப் பெயர் மட்டும் விவரங்கள் கணிணி பட்டியலில் இருந்து எடுத்துவந்து சேர்க்கப்பட்டு கணிணி திரையில் காட்டும் படி மென்பொருள் அமைத்திருப்பார்கள், இப்படி செய்யும் போது ஒரு பொருளின் விலையைக் கூட்டவோ குறைக்கவோ விற்பனையாளருக்கு வாய்ப்புகள் இருக்கும்.



பட்டைக் கோடுகளில் பாதுகாப்பாக அமைக்கப்பட்ட பட்டைக் கோடுகளும் உண்டு (Encoded Barcode) அவற்றை அதற்குரிய படிப்பான் மூலம் படித்தாலும் பாதுக்காப்பை நீக்கக் கூடிய (Decoding) மென் பொருள் மூலம் தான் அதனை முழுதாகப் படிக்க முடியும், இந்த வகை பட்டைக் கோடுகளை தகவல் பாதுகாப்பு காக்கவேண்டிய தேவை உடைய நிறுவனங்கள் பயன்படுத்திக் கொள்கின்றன.



பட்டைக் கோடுகளைப் பற்றி விக்கி இணைய தளம் ஆங்கிலத்தில் மிகுதியான தகவல்களைத் தருகிறது.


தலைப்பைப் பற்றிச் சொல்லவில்லையே ? ஒருவர் சைவரா ? வைணவரா ? (யானையும் விட்டு வைக்காத) அதில் வடகலையா ? தெர்ன்கலையா ? இந்த பட்டைக் கோடுகள் எப்படியெல்லாம் அந்த காலத்திலேயே பயன்பட்டு இருக்கிறது, நாம தான் உலக அறிவியல் கண்டுபிடிப்புகளுக்கெல்லாம் முன்னோடி :)

(இது நாகூர் யானை)

ஒரு கசப்பான பதிவு ! (வயது வந்தவர்களுக்கு மட்டும்)

"சர்க்கரை" - நினைத்தாலே இனிக்கும் என்பது நீரிழிவு நோய் (நோய் அல்ல உடலின் இன்சுலின் குறைபாடு) அற்றவர்களுக்குத் தான். நீரிழிவு இருப்பவர்களுக்கு ஒரு துண்டு மைசூர்பாவைக் கூட நஞ்சைப் போல் பாக்கும் நிலைதான் அவர்களது நிலை. இனிப்புகளைப் பார்த்தால் நாவில் எச்சில் ஊரினாலும் அதை அப்படியே துப்பிவிட்டு, முடிந்தால் முழுங்கிவிட்டு, விரல் நுனி அளவிற்கு எடுத்து பெயரளவுக்கு இனிப்புகளை சுவைக்க முடியும்.

"திருப்பதி லட்டுன்னாலும் சர்கரை குறைபாடு உள்ளவர்களுக்கு அது ஆலகால விசம்" தான் என்று என் உறவினரிடம் சொன்னேன். நம்ப மறுத்தார். கடவுள் நம்பிக்கை ஆழமாக இருந்தால் உண்மையைக் கூட ஏற்க கசக்கத்தான் செய்கிறது!!!

சர்க்கரைக்கு மாற்றாக இனிப்பு சுவைக்காக பயன்படுத்தப்படும் செயற்கைச் சக்கரை சாக்கரீன் எவ்வளவு கெடுதலான பக்க விளைவுகளை ஏற்படுத்தும் என்பதை பதிவர் நண்பர் மருத்துவர் தேவன் மாயம் சிறப்பாக பட்டியல் இட்டிருக்கிறார்.

சர்க்கரை குறைபாடு விலங்குகளுக்குக் கூட வருமாம், நம்ம பதிவர் துளசி அம்மாவிட்டு (செல்லப் பூனை) ஜிகேவுக்கும் அந்தக் குறைபாடு இருந்ததாம். இருவகை சர்கரை குறைபாட்டில் ஒன்று சர்க்கரை மரபுக் கூறுகளால் வரும் என்றாலும் சரியான உணவு முறைகளின் மூலம் அவை அணுகும் நாளைத் தள்ளிப் போடலாம், முற்றிலும் தவிர்த்துவிடக் கடுமையான உணவுப் பழக்கம் மேற்கொள்ளலாம், இருந்தாலும் அவை பாதிக்கப்பட்டவர்களின் உணவு பழக்கத்தைப் போன்றுதான்.

சர்க்கரை நோய் பற்றி மருத்துவர்கள் என்ன கூறுகிறார்கள் ? "இதில் பயப்பட ஒன்றும் இல்லை, வழக்கமான உங்கள் உணவுப் பழக்கத்தில் எதையெல்லாம் சாப்பிட்டால் பாதிப்பு ஏற்படுமோ, கூடுமோ அவற்றை தவிர்த்துவிட்டு, பரிந்துரைக்கப்படும் உணவு முறைக்கு மாற்றிக் கொள்ள வேண்டும், சர்கரை நோய்கான அறிகுறி வந்துவிட்டால் Time to Change your food habits என்கிறார்கள்.

சர்க்கரை நோயினால் ஏற்படும் பாதிப்புகள் என்ன ?

உச்சிமுதல் உள்ளங்கால் வரை உடல் இயக்கத்திற்கு தேவை இரத்தம், அது நீர்த்(த) தன்மையுடன் இருந்தால் உடல் இயக்கம் சீராக இருக்கும், இன்சுலின் குறைபாட்டடல் இரத்ததில் இருக்கும் சர்க்கரை முழுவதுமாக எரிக்கப்படாத நிலை ஏற்படுவதால், சர்க்கரை பாதிப்பு உள்ளவர்களின் இரத்தம் நீர்த்தத் தன்மையிலிருந்து குழைவுத் தன்மைக்கு கொஞ்சம் கொஞ்சமாக மாறும் (Thingkness of Blood) அதனால் இரத்த ஓட்டத்தின் சீர்மை கெட்டுவிடும், குழைவின் காரணமாக இரத்தக் குழாயில் அடைப்புகள் ஏற்படும், இரத்தத்தின் மூலம் இயங்கும் அனைத்து உறுப்புகளும் பாதிப்புக்கு உள்ளாகும்.

சர்கரைக் கட்டுப்பாட்டில் இல்லை என்றால் கண், சிறுநீரகம் பாதிக்கப்படும், அடிக்கடி தண்ணீர் தாகம் ஏற்படும், இரத்த ஓட்டத்தின் சீர்மை கெடுவதால் உடல் அசதி இயல்பாகவே ஏற்படும். சர்க்கரை அளவு மிகுதியாகிவிட்டால் மயக்கம் வரும். இதய நோய், மாரடைப்பு, ஸ்ட்ரோக் எனப்படும் பக்கவாதம் வருவதற்கான வாய்ப்புகளைப் பெருகிவிடும். அதனால் கண்களையும் சிறுநீரகத்தையும் ஆண்டுக்கு ஒருமுறையேனும் மருத்துவரிடம் சோதித்துக் கொள்ள வேண்டும். பாதங்களை ஒட்டிய கால்பகுதியில் தோலின் நிறம் கறுப்பாகும். கால்களில் மரப்பு (Numbness) ஏற்படும். கால்களை எப்போதும் தூய்மையாக வைத்திருக்காவிட்டால், காலில் காயம் பட்டாலும் உடனடியாக ஆறாது. காலையே எடுத்தால் தான் உயிர்பிழைக்க முடியும் என்கிற நிலை எல்லாம் பலருக்கு ஏற்பட்டு இருக்கிறது. ஆண்களுக்கு விரைப்பு / எழுச்சிக் குறைப்பாடு ஏற்பட சாத்தியம் உண்டு.

மேலும் ஆண்களுக்கு......

சர்க்கரை நோய் கண்ட முப்பது வயதிற்கு மேற்பட்ட ஆண்களுக்கு, இரத்த சர்க்கரை கட்டுப்பாட்டில் இல்லை என்றால் உடல் தோலின் தன்மையில் மாற்றம் ஏற்பட்டு இருக்கும், விரிவடையும் தன்மையுடன் கூடிய ஆண்குறியின் முனைத் தோல் (foreskin) எழுச்சியின் போது விரிவடைந்த (சுறுக்கம் விரிவு மாறி மாறி ஏற்படும் elasticity) நிலையில் இருப்பதால் அதில் சிரிதளவு இரத்தக் கசிவுடன் கூடிய வெடிப்பு(புண்)கள் சுற்றிலும் அடிக்கடி (அதாவது ஆண்டு/மாதத்தில் பலமுறை) ஏற்பட்டுவிடும். முனைத்தோலுக்கும் ஆண்குறியின் மொட்டுப்பகுதிக்கும் இடையே உள்ள மூடிய பகுதிகளில் பல்வேறு தாது உப்புகளால் அழுக்கு படிமங்கள் (phimosis, டெட்ஸ்கின்) அடிக்கடி உற்பத்தியாகி அரிப்பும் ஏற்பட்டு இரத்தக் களறி ஆகிவிடும். உடல் இரத்த சர்க்கரையைக் கட்டுப்படுத்தினால் சரியாகிவிடும் என்றாலும் சரியாகும் வரை (தன்னின்பம் அல்லது உடலுறவின் போது) ஒவ்வொரு முறை தோல் விரிவடையும் போதெல்லாம் கடுமையான எரிச்சலை ஏற்படுத்தும். ஆண்குறியில் ஏற்படும் இந்த பாதிப்பு குறித்த விவரம் தெரியாதோர் 'பாலியல் நோயாக இருக்கும், நாம இராமனாச்சே....!' என்று பயந்துவிடுவதும், கவலைப்படுவதும் உண்டு. ஏற்கனவே (எங்கும் பாலியல் தொழிலாளியிடம் சென்று வராமல் இருந்து) அப்படி அடிக்கடி பாதிப்பு ஏற்பட்டு இருப்பவர்கள் எந்த சோதனையும் மேற்கொள்ளாமல் தங்களுக்கு சர்க்கரை நோய் கடுமையாக பாதித்து இருப்பதாக உணர்ந்து உடனடியாக மருத்துவரை அனுகுவது நல்லது. சர்க்கரை நோய்க்கான சிகிச்சையுடன் பாதிப்பு அடிக்கடி ஏற்படுபவர்கள் தோல் (புண்ணின்) எரிச்சலை தவிர்க்க முனைத்தோலை (Foreskin - Circumcision) அகற்றிக் கொள்ளவும் பரிந்துரை செய்யப்படுகிறது.

இன்றைக்கு மருத்துவ உலகினருக்கு வற்றாத பணமழைப் பொழிவதற்கு நீரிழிவு நோய் ஒன்றே போதுமானதாக இருக்கிறது. சர்கரை நோய் கட்டுப்படுத்தலாம் முற்றிலும் போக்கிவிட முடியாது என்பதே மருத்துவ உலகம் இதுவரை சொல்லிவரும் தகவல்.

அப்படி இருந்தும் நம்ம ஊர் ரூம்போட்டு மருத்துவம் பார்க்கும் டுபாக்கூர் மருத்துவர்கள் எல்லாவற்றையும் குணப்படுத்துவதாக புளுகிவருவதும் அவர்களிடம் நோயாளிகள் ஏமாறுவதும் வாடிக்கை.

எனக்கு ஒரு மின் அஞ்சல் வந்தது, அதை முயற்சி செய்து பார்க்கலாம், பக்க விளைவுகள் எதுவும் கிடையாது. மின் அஞ்சலில் வந்த விவரங்களை இணையத்தில் தேடிப்பார்த்தேன். தகவல் பரவலாக சென்று கொண்டு இருக்கிறது. இது வதந்தியா இல்லையா என்று தெரியாது. காசு பணம் மிகுதியாக செலவும் இல்லை, பக்க விளைவுகள் இல்லை, முயற்சித்துப் பார்க்கலாம், இதோ சிகிச்சை முறை (ஆங்கிலத்தில்)

DIABETIC?
FINALLY GOOD NEWS FOR ALL DIABETICS


A woman (65) was diabetic for the last 20+ years and was taking insulin twice a day,
she used the enclosed homemade medicine for a fortnight and now
she is absolutely free of diabetes and taking all her food as normal including sweets ............ ......... ......

The doctors have advised her to stop insulin and any other blood sugar controlling drugs.
I request you all please circulate the email below to as many people as you can and
let them take the maximum benefit from it.


AS RECEIVED :


DR. TONY ALMEIDA (Bombay Kidney Speciality expert ) made the extensive
experiments with perseverance and patience and discovered a successful treatment for diabetes.
Now a days a lot of people, old men & women in particular suffer a lot due to Diabetes.

Ingredients:
1 - Wheat flour 100 gm
2 - Gum(of tree) (gondh) 100 gm ( மரப் பிசின்...இது எங்கே கிடைக்கும் ?)
3 - Barley 100 gm
4 - Black Seeds (kalunji) 100 gm (கருஞ்சீரகம்)

Method of Preparation :
Put all the above ingredients in 5 cups of water.
Boil it for 10 minutes and put off the fire. Allow it to cool down by itself.
When it has become cold, filter out the seeds and preserve the water in a glass jug or bottle.

How to use it?
Take one small cup of this water every day early morning when your stomach is empty.
Continue this for 7 days. Next week repeat the same but on alternate days. With these 2 weeks of treatment you
will wonder to see that you have become normal and can eat normal food without problem.

SINCE THESE ARE ALL NATURAL INGREDIENTS, TAKING THEM IS NOT HARMFUL. SO THOSE WHO ARE SCEPTICAL ABOUT THIS TREATMENT MAY STILL TRY IT WITHOUT ANY HARM. WORST CASE SCENARIO WILL BE THAT YOU REMAIN STILL SAME AS YOU WERE BEFORE

ஆண்கள் இனி அணிய வேண்டியதில்லையாம் ! (18+)

திருமணம் ஆன ஆண்களுக்கு பயனான செய்தி, திருமணம் ஆன தம்பதிகளிடையே நெருக்கத்தை மேலும் மிகுக்கும் தகவல். அதை வாங்க செல்லும் வெட்கத்தை விட, வீட்டிற்குள் யாருக்கும் தெரியாமல், குழந்தைகள் கண்ணில் சிக்காத அளவுக்கு பாதுகாப்பது கொஞ்சம் ரிஸ்க். அதுக்கு மாத்திரை பரவாயில்லை. டிஸ்போஸ் பண்ணும் பிரச்சனையும் இல்லை.

தற்காலிக கருத்தடை மாத்திரை திருமணம் ஆனவர்களுக்கு ரிஸ்க் என்றாலும் மான / அவமான பிரச்சனை இல்லை. ஆனால் 18+ வயது வந்தவர்கள் மாத்திரை பயன்படுத்துவது ரிஸ்க் தான். :)

தகவல் இங்கே,

Published in : ஆரோக்கியம், உடலே நலமா?


மாத்திரை வடிவில் ஆண்களுக்கான தற்காலிக கருத்தடை சாதனம் கண்டுபிடிப்பு- இளையான்குடி பேராசிரியர் ஆபிதீனுக்கு டாக்டர் பட்டம் : இளையான்குடி டாக்டர் சாகீர் உசேன் க‌ல்லூரி விலங்கியல் துறை பேராசிரியர் ஆபிதீன் தனது ஆராய்சிப் படிப்பை முடித்து. மணோன்மனியம் சுந்தரனார் பல்கலைகழகத்தில டாக்டர் பட்டம் பெற்றிருக்கிறார்.

மேலும் படிக்க...

பின்குறிப்பு : கருத்தடை மதத்தில் அனுமதிக்கப்படவில்லை என்று போர்கொடி தூக்கும் இஸ்லாமிய அமைப்புகளில் இருந்து சாகீர் உசேனை அல்லாதான் காப்பாற்ற வேண்டும் :)