சிங்கைப் பதிவர் நண்பர்களுடன் தீபத்திருநாள் !

இந்த தீபத்திருநாள் எங்கள் வீட்டினருக்கு ஒரு மாறுபட்ட தீபாவளியாக இருந்தது, பதிவர் நண்பர்களின் (அன்புத் தம்பிகள்) வருகை தந்து தீபாவளியை சிறப்பித்தனர். சில பல காரணங்களினால் பல ஆண்டுகளாக களை இல்லாத தீபாவளியாக இருந்த தீபாவளி இந்த ஆண்டு மாறுபட்ட ஒன்றாக அமைந்தது. வெளிநாடுகளில் / தொலைவில் இருப்பவர்களுக்கு நண்பர்களே உறவுகள் என்பதை மெய்ப்பிக்கும் பண்டிகை நாளாகவும் அமைந்தது. எல்லா மக்களும், குறிப்பாக நம் அன்பு ஈழ தமிழ்மக்கள் சாந்தியும் சமாதனம் பெற்று இன்னல் தீர வேண்டும், அவர்கள் வாழ்வில் புத்தொளி பிறக்கவேண்டும் என்பதைத் தான் இந்நாள் திரும்ப திரும்ப நினைக்க வைத்தது. தீராத பகையோ, மாறத சினமோ என்றுமே இருக்க முடியாது. விரைவில் விடிவு பிறக்கும் என்பதை உங்களைப் போல் நம்புகிறேன். அன்பு தமிழர்கள் அனைவருக்கும் இனிய தீபாவளி நல்வாழ்த்துகள்.