இட்லிவடையில் விடுபட்டவை :)

இட்லி வடைப் பதிவில் கன்னடர்களிடம் ரஜினி வருத்தம் தெரிவித்த தொலைக்காட்சி ஏற்பாடு நிகழ்ச்சிக்குப் பிறகு பல்வேறு திரையுலக தரப்பினரின் கருத்துக்கள் இடம் பெற்றிருக்கிறது. பச்சை தமிழர்களின் ரியாக்ஷன் என்று சிலவற்றைக் குறிப்பிட்டுவிட்டு, அதில் மேலும் சிலரின் கருத்துக்களைப் பற்றி ஒரு வரி கூட எழுதாமல் (வேண்டுமென்றே?) விட்டுவிட்டார்.

இயக்குனர் சீமான் : கன்னடர்களுக்கு ஆதரவான நிலையை எடுப்பதால் தமிழ்நாட்டில் அவருக்கு இழப்பு ஏற்படாதுன்னு அவருக்குத் தெரியும் ஏன்னா தமிழன் மான ரோசம் உள்ளவன் கிடையாதுன்னு இங்கவர்றவங்க எல்லோரும் தெரிஞ்சு வச்சிருக்காங்க, ரஜினியைப் பொறுத்தவரைக்கும் தன்மானத்தைவிட வரும் வருமானம் பெரித்துன்னு நினைக்கிறவர். நமக்கு வருமானத்தைவிட இனமானமே பெரிது.

இதில் நாம் உன்னிப்பாக கவனிக்க வேண்டியது ரஜினியின் தனிப்பட்ட நிலைப்பாட்டை அல்ல, கன்னடர்களின் பிரதிநிதியாகவே இருந்தாலும் தமிழ்நாட்டில் இருக்கும் ரஜினி படத்தை வெளியிட அனுமதிக்க மாட்டோம் என்று சொல்கிற கன்னட வெறியர்களைத்தான் கவனிக்க வேண்டும். இந்த இனத்தின் மீது ஏன் இவ்வளவு வெறுப்பு வைத்திருக்கிறார்கள் என்பதை உணரவேண்டும்.

பத்திரிக்கையாளர் சோ : எனக்கு இன்னமும் முழுவிபரம் வந்து சேரவில்லை சார். விபரம் கிடைத்த பிறகு அடுத்த வாரம் என் கருத்தைச் சொல்கிறேன்

[கலைஞரின் அந்த நிமிட அரசியல் செயல்பாடுகள், மறறும் கலைஞர் (அறிக்கை) விடுவது எதையும் அடுத்த நிமிடமே இவருக்கு தெரிந்து, நுகர்ந்து மூன்றாம் நிமிடம், இவரது கருத்து என அந்த வார கார்டூனாகவும், கேள்விபதிலாகவும் மாறும் பொழுது. இவருக்கும் இன்னும் ரஜினி பேச்சின் முழுவிபரம் தெரியவில்லையாம். தமிழர்கள் சார்பில் சோ ராமசாமிக்கு உடனடியாக ரஜினி 'மனம் வருந்திய' வீடியோ காட்சிகளை அனுப்பி வைக்க வேண்டுமாய் கேட்டுக் கொள்கிறேன். கிடைத்தாலும் அடுத்தவாரம் தான் கருத்து சொல்வாராம். ரஜினி ரசிகர்கள் கவனிக்க... இப்போதாவது தெரிகிறதா கலைஞருக்கு முதன்மைத்துவம் கொடுக்கும் அளவுக்கு ரஜினிக்கு சோ ராமசாமி முதன்மைத்துவம் கொடுக்காமல் ரஜினியை புறக்கணிக்கிறார் சோ :)

ரஜினியின் அரசியல் ஆசான் என்றெல்லாம் சொல்லுகிறார்கள், ரஜினியை ஜெவுக்கு சசிகலா போலவே (தவறான ?) ஆலோசனைக் கூறி வழிநடுத்துபவர் என்றெல்லாம் செய்திகள் வருகின்றன. ரஜினி என்ன பேசினார் என்பது இவருக்குத் தெரியாதாம். :) நம்புங்கள், தன் பதிவில் சோ ராமசாமியின் கருத்தை வெளியிடாததற்குக் காரணம் இட்லி வடைக்கு சோ ராமசாமி பச்சைத் தமிழனாக தெரியவில்லையோ ? :) ]

வேணுகோபால் (ரஜினி ரசிகர் மன்ற மாவட்டத் தலைவர்) : பேனரைக் கிழித்த யாரும் ரஜினி மன்றத்தைச் சேர்ந்தவர்கள் இல்லை. ரஜினி மன்றத்தைச் சேர்ந்தவர்கள் அவர் எந்த முடிவெடுத்தாலும் (தமிழர்கள் மற்றும் என்னுடைய ரசிக சிகாமணிகள் சுரணையற்றவர்கள் என்று சொன்னாலும் கூட ?) ஆதரிப்பார்கள்.

[ரஜினியின் கட்வுட் காலையும் நக்கும் ஒருசில முற்றிப் போனவர்கள் தவிர்த்து, தவிர்த்து மற்ற ரஜினி ரசிகர்கள், ரஜினியின் பேச்சை அவமானமாகவே கருதுவதாக குறிப்பிட்டு இருந்தனர். எல்லா ரஜினி ரசிகர்களுமே ரஜினி சொல்வதெல்லாம் சரி என்ற கண்மூடித்தனமான பற்று வைக்கவில்லை. ]

கன்னட ரக்ஷ்ன வேதிகே அமைப்பின் தலைவர் பிரவின்குமார் ரெட்டி : ரஜினிகாந்த் மட்டுமல்ல, வேறு எந்த நடிகரும் கன்னட மக்களை இழிவாக பேசினால் அவருக்கு கர்நாடகத்தில் அனுமதி இல்லை. (கர்நாடகம் எப்போது தனி நாடானது ?) ரஜினியை இந்த முறை மன்னித்தோம். இன்னொருமுறை அவர் கன்னடமக்கள், அவர்களது உரிமைகள் இவற்றிற்கு எதிராக பேசினால் வெறும் போராட்டம் நடத்தமாட்டோம், கர்நாடகத்தில் அவரது சொத்துக்களை கைப்பற்றுவோம் (மிரட்டல்?)

ரஜினிகாந்து மாத்ரமுமல்லறி, பேறு எந்தா நடிகரோ கன்னட ஜெனங்களுக்கெ வீரோதவாக மாத்தாடுதரே, அவருக்கே இ கன்னட தேசதல்லி அனுமதி கொடுவக்காகல்ல. இ தர ரஜினியை பிட்பிடுத்தோம். மத்தொந்துதர இ தர மாத்தாடுதரே, கன்னட ஜனங்க்களு மத்து அவரென்ன சொந்த பிரச்சனைக்களுக்கெ எதிரே மாத்தாடுதரே, கேவலம் கலட்டா மாத்ரம் நடியக்காகில்லே. கர்நாடகதல்லி
அவரன்ன ஆஸ்திகளு ஒட்டுக்கெ எத்தோகுவோம்.

(தமிழ்லிருந்து கன்னட மொழிபெயர்ப்பு சரியா ?)

[ரஜினி பயந்து போய் ஏன் வருத்தம் தெரிவித்தார் என்பது இப்பொழுதுதான் புரிகிறது]

ரஜினி வட்டாரம் : 6 கோடி வசூல் பெற்று தரும் கர்நாடகாவிற்காக 6 கோடி தமிழர்களை ரஜினி விட்டுக் கொடுக்க முன்வருவாரா ? அவர் எடுத்துள்ளது வணிக ரீதியிலான நிலைப்பாடு. மற்றபடி 'உப்பிட்ட தமிழ் மண்ணை என்றும் மறக்கமாட்டார்.

[இவிங்க என்ன சொல்கிறார்கள் என்றே புரியவில்லை. தன்மானம் அடகுவைக்கப்பட்டது வருமானத்தின் காரணமாகத்தான் வேறு இல்லை, அதற்கும் தமிழர்களுக்கும் தொடர்பில்லை என்று நாசுக்காக சொல்கிறார்களோ ? அடுத்த முறை ரஜினிக்கு பாட்டெழுதும் வைரமுத்து போன்றோர், ரஜினிக்கு இருப்பது கன்னட கொழுப்பு அல்ல என்பதைக் காட்ட உப்போடு பருப்பும், நெய்யும் கூட தமிழர்கள் தான் இட்டார்கள் என சேர்த்து பாட்டெழுத வேண்டும்]

நன்றி நக்கீரன்