நாளை சிங்கை பதிவர் சந்திப்பு - ஒரு நினைவூட்டல்

நாளை ஆகஸ்ட் 3 ஆம் தேதி ஞாயிற்றுக்கிழமை, திட்டமிட்ட படி பதிவர் சந்திப்பு நடக்க இருக்கிறது,சிங்கைவாழ், மலேசியாவாழ் ( விக்னேஷ்வரன், துர்கா மற்றும் பல) பதிவர் / வாசக பெருமக்கள் வந்து கலந்து கொள்ள வேண்டுமாய் சிங்கைப் பதிவர் நண்பர்கள் சார்பில் கேட்டுக்கொள்ளும் நினைவூட்டல் பதிவு இது.

சிங்கை மழை ரஜினி மாதிரி எப்ப வரும் எப்டி வரும் என்று யாருக்கும் தெரியாது, நாளைக்குன்னு பார்த்து கரெக்டாக வந்துவிட்டால் அப்பறம் நனஞ்சு சுமக்கனும், குடை எடுத்துட்டு வந்துடுங்க.

நிகழ்ச்சி நிரல்கள் :

வரவேற்புரை : பதிவர் ஜெகதீசன், பதிவர் சந்திப்பு ஏன் ? என்பது குறித்து மெளன உரையாடல் நடத்துவர்

பாரி.அரசு : நிகழ்ச்சியை தொடங்கி வைத்து பாட்டிலை திறந்து வைப்பார். FANTA, COKE இப்படி எதாவது ஒன்றை திறந்து வைப்பார்

சிறப்புப் பேச்சாளர், ஜோசப் பால்ராஜ் தற்போதைக்கு தற்காலிகமாக பேச்சிலராக இருப்பதால், மனைவி ஊருக்குக்குப் போய் இருக்கும் நேரத்தில் கணவர்கள் லூட்டி அடிக்கலாமா என்பது குறித்து சிறப்புரையாற்றுவார்

நீண்ட நாள் பதிவர் எம்எஸ்விமுத்து தனது எழுத்துப்பணி மற்றும் வலையுலக அனுபவங்களைப் பகிர்ந்து கொள்கிறார்

குசேலன் தோல்விப்படமா ? சின்னக் கோடம்பாக்கம், சின்ன ரஜினி, பதிவர் கிரியின் சிற்றுரை, பதிவர் மாநாட்டில் மாரநேரி ஜோசப் பால்ராஜ் அவர்கள் பதிவர் கிரிக்கு 'ரஜினி கிரி' என்ற சிறப்புப் பெயரை வழங்குவார்.

முகவை மைந்தன் அவர்களால் 'திருக்குறளில் நாட்டுப்பற்று', அவரது அண்மைய பதிவு ஒன்றின் சிறப்பு விளக்கம் இடம்பெரும்

திரு 'ஜோ மற்றும் LL தாஸ்' ஆகியோர் வலையுலகை அடுத்தக் கட்டத்திற்கு 'நகர்த்துவது' எப்படி என்பது குறித்து பேருறை ஆற்றுவார்கள்.

இந்த பதிவர் மாநாட்டில் பார்வையாளர்களாக பெரும் திரளான வாசகர் வட்டமும் கலந்து கொள்ளப் போவதாக எங்களுக்கு ரகசிய தகவல் கிடைத்ததைத் தொடர்ந்து அத்தனைப் பேருக்கும் அல்வா (செய்வதற்காக அடுப்பை இன்றே மூட்டி) கிண்டிக் கொண்டு இருக்கும் செந்தில் நாதன் விழாவை வாழ்த்து சிறப்புரையாற்றி நிறைவு செய்வார்.

பட்டம் வழங்குதல் :

* சந்திப்பில் சிறந்த பேச்சாளராக தேர்ந்தெடுக்கப் படும் ஒரு பதிவருக்கு 'பதிவர் சுப்பையா விருது' வழங்கி திரு வடுவூர்குமார் அவர்களின் கையால் பொன்னாடைப் போர்த்தி கவுரவிக்கப்படும்.

* சிறப்பான மொக்கை பேச்சாற்றல் மிக்க ஒரு பதிவருக்கு 'பதிவர் குசும்பன் விருது' வழங்கப்பட்டு பதிவர் ஜீவன் அவர்களின் கைகளால் ஒரு டஜன் கோடாலி தைல புட்டிகள் பரிசாக வழங்கப்படும்

இன்னும் அறிவிக்கப்படாத பலப் பலபரிசுகள் இன்ப அதிர்ச்சியாக அவ்வப்போது அறிவிக்கப்படும்.

விழாவின் முத்தாய்ப்பாக குலுக்கல் முறையில் தேர்ந்தெடுக்கப்படும் பதிவர்களுக்கு சென்னை பதிவர் சந்திப்புக்கு சென்றுவர இரண்டு விமான டிக்கெட் (ஸ்பான்சர் பை பரிசல்காரன் மற்றும் வெயிலான் ரமேஷ்)

*********

மறக்காமல் வந்துவிடுங்கள் பதிவர் நண்பர்களே, இது தனிப்பட்ட எவருடைய பெருமையையும் பேசப் போகின்ற சந்திப்பு அல்ல, நம்முடைய சந்திப்பு, யாரும் 'தலையும்' கிடையாது 'வாலும்' கிடையாது, நாமெல்லாம் ஒரே இனம்தான். 'என்னிய கூப்பிடல' என்று எவருமே நினைத்துக்கொள்ளாமல் இதையே கலந்து கொள்ளும் அனைத்துப்பதிவர்களின் சார்பிலான அழைப்பாக ஏற்று கலந்து கொள்ள வேண்டுமாய் அனைவர் சார்பில் கேட்டுக் கொள்கிறேன்.

பதிவர்கள் மட்டுமல்ல, வாசகர்கள், தமிழ் ஆர்வளர்கள் எவர் வேண்டுமானாலும் கலந்து கொள்ளலாம்.

********

தேதி : 2008, ஆகஸ்டு 3, ஞாயிற்றுக் கிழமை
இடம் : அங்மோக்யோ நூலக எதிரில் உள்ள பூங்கா (வருபவர்களுக்கு வழிகாட்ட தட்டி வைத்துக் கொண்டு நூலகம் அருகில் ஜெகதீசன் நிற்பார்)
நேரம் : மாலை 4:30 முதல் 7:00 வரை (அதற்கும் மேலும் மொக்கைப் போடுவோர் போடலாம்)

தொடர்புடைய சுட்டிகள்:

சந்திப்பு குறித்த ஜோசப் பால்ராஜின் இடுகை :

எனது முந்தைய இடுகை :

உருகுவேயில் பாரி.அரசு ஏன் நேசனல் பார்டியை ஆதரிக்கிறார்? - ஜெகதீசன்