இம்சை அரசன்: சூரணம் ஆயிரம் (நகைச்சுவை) !

வாயில் காவலர் : அரசே உங்களைப் பார்க்க வேற்றுநாட்டு மருத்துவர் வந்திருக்கிறார்

இம்சை அரசன் : வரச்சொல்லு

வாயில் காவலர் : தங்கள் உத்தரவு அரசே

*****



மருத்துவர் : அகிலண்டம் ஆளும், பார்போற்றும் மன்னா, தார் நிறக் கண்ணா

இம்சை அரசன் : எங்கே பரிசு பெரும் பாட்டை பாடும்

மருத்துவர் : மன்னா நான் புலவனல்ல மருத்துவன்

இம்சை அரசன் : மருத்துவரா ? அப்படியென்றால் அந்தப்புரத்தையே குலுங்கவைக்கும் இளமை துடிப்பு தரும் மருந்தைக் கொண்டு வந்திருக்கிறீர்களா ?

மருத்துவர் : ஆம் மன்னா !

இம்சை அரசன் : நல்லது, எங்கே இதன் மகத்துவத்தைச் சொல்லும்

மருத்துவார் : மன்னா இது மருந்து இல்லை

இம்சை அரசன் : அப்ப என்ன ம... த்துக்கு இங்கே வந்தே ?

மருத்துவர் : மன்னிக்க வேண்டும் மன்னா, இது மருந்து அல்ல அருமருந்து சூரணம் என்று சொல்ல வந்தேன்

இம்சை அரசன் : இத மொதலிலேயே சொல்லி இருக்கக் கூடாதா ?

மருத்துவர் : மன்னிக்கவேண்டும் மன்னா, இது சாதா சூரணம் இல்லை, சூரனையே சுக்குத் தண்ணீராக்கிய சூரணம்

இம்சை அரசன் : இப்ப இத சாப்பிட்டா நான் சுக்குத் தண்ணி ஆகிவிடுவேனா ?

மருத்துவர் : மன்னனுக்கு குறும்பு, நான் ஒரு பேச்சுக்குச் சொன்னேன்,

இம்சை அரசன் : பேச்சுக்கு சொன்னியோ, பேதிக்கு சொன்னியோ இதன் மகத்துவத்தைச் சொல்லு

மருத்துவர் : மன்னா இது ஆயிரம் வேர் அபூர்வ சூரணம்,

இம்சை அரசன் : அப்படியா, இதன் பெயர் என்ன ?

மருத்துவர் : அதான் தலைப்பிலேயே எழுதி இருக்கே, 'சூரணம் ஆயிரம்'... சாப்பிட்ட ஒடனேயே எழுந்து அந்த புறம் ஓடுவீர்கள்

இம்சை அரசன் : சபை கலையட்டம், மருத்துவரே எனக்கு இப்பவே அந்தப்புரம் போகனும், சூரனத்தைக் கொடுங்கள்

மருத்துவர் : தருகிறேன் மன்னா, ஆனால் சாப்பிட்ட உடன் உங்களுக்கு ஓடத் தோன்றும், அதனால் பரிசு பணத்தை இப்போதே கொடுத்துவிடுங்கள்

இம்சை அரசன் : யாரங்கே மருத்துவருக்கு 1000 பொற்காசுகளை உடனடியாகக் கொடுங்கள், எல்லோரும் செல்லுங்கள் ஏன் இங்கே நிற்கிறீர்கள்

மருத்துவர் : மன்னா எல்லோரும் சென்றுவிட்டார்கள், பொற்காசும் கொடுத்துவிட்டீர்கள், நன்றி, இதோ இந்த சூரணத்தில் தேன் கலந்து ஐந்து நிமிடத்தில் சாப்பிடுங்கள், நான் வருகிறேன்.

*****

ஐந்து நிமிடம் சென்று சாப்பிட்ட இம்சை அரசன் வயிறு கடமுடானு சத்தம் வர பாத்ரூமை நோக்கி ஓடுகிறார்.

இம்சை அரசன் : யாரடா அங்கே, உடனே அந்த மருத்துவனை இழுத்துவாருங்கள், உண்மையிலேயெ பேதி மருந்தைக் கொடுத்துட்டான்....தாங்க முடியலையே...
அவ்வ்வ்வ்

வேகவேகமாக ஓடி பாத்ரூமுக்குள் சென்றவர் அதன் பிறகு மாலைவரை வரவேயில்லை

இம்சை அரசன் : அப்பாடா.....எலே எடுபட்ட பசங்களா இன்னுமாடா இங்கே நிக்கிறிங்க, மருத்துவன் எங்கேடா

காவலர் : மன்னிக்க வேண்டும் மன்னா, அவன் ஏற்கனவே வாயில் காவலர்களுக்கு மயக்க பிஸ்கெட் கொடுத்து தான் உள்ளே வந்திருக்கிறான். அவன் வெளியே ஓடியபோது அவனை தடுப்பதற்குள் நான் உட்பட எல்லோரும் தடுமாறி மயங்கி விழுந்துட்டோம்

இம்சை அரசன் : அடப்பாவிகளா......இதைத்தான் மன்னன் எவ்வழியோ மக்களும் அவ்வழி என்கிறார்களோ........அவ்வ்வ்வ்வ்வ்வ்வ்வ்

காவலர் : மன்னா நீங்கள் சாப்பிட்டது ஆயிரம் வேர்(விழுது) கொண்ட ஆலம் மரப்பட்டை அதில் பேதி மருந்து கலந்துதான் உங்களை ஏமாற்றி இருப்பதாக நம் அரண்மனை மருத்துவர் கூறுகிறார். மாற்று மருந்து தருகிறாராம்

இம்சை அரசன் : வேணாம்யா, அவனாவது பேதியோட விட்டான், இவன் மருந்த சாப்பிட்டா சோளி முடிஞ்சிடும்...கண் எதிரே நிற்காதீர்கள்....
(தனக்குள்)யப்பா ஒரு சுக்கு காப்பி சாப்பிட்டதான் மயக்கம் தீறும். இன்னும் கிறுகிறுக்குது வயுத்துக்குள்ள டர்ரு புர்ருன்னு சத்தம் கேட்குதே...அவன் அந்த புறம் ஓடுவீர்கள் என்பதை என்பதை நான் தான் அந்தப்புரம் என்று நினச்சிக்கிட்டேனா ? அம்புட்டும் களவானி பசங்க... பக்கத்து நாட்டுக்காரனுக்கும் நாம இளிச்சவாயின்னு தெரிஞ்சிருக்கு அவ்வ்வ்வ்வ்வ்வ்......