இறைவன் மொழிகளை கடந்தவன் ?

தமிழில் 'நுழைக்கப்பட்ட' வேற்று மொழிச் சொற்களில் வடமொழிக்கே (சமஸ்கிரத த்திற்கே) முதலிடம். மற்ற கலப்ப்புச் சொற்கள் இயல்பாக நுழைந்தவை. வணிக நிமித்தமாக பல்வேறு நாடுகளுக்கு தமிழர்கள் சென்ற போது, பல்வேறு நாட்டினர் தமிழகத்துக்கு வந்த போதும் வேற்றுமொழிச் சொற்கள் தமிழில் கலந்து இருகிறது. எடுத்துக்காட்டு சன்னல் ( சாளரம்) மற்றும் பல. ஆனால் வேண்டுமென்றே அல்லது பொறுப்பின்மையால் இன்றைய தேதியில் ஆங்கிலம் கலப்பது போல, வடமொழி படித்த 'பண்டி'தர்கள் மொழிகளை தனித்தனியாக கையாளா திறனற்று கலந்து பேசினர். மொழிக்கலப்பில் இலங்கியங்களை அமைத்தனர். இது போல் தமிழை முற்றிலும் அழித்து தெய்வங்களை சமஸ்கிரதப்படுத்த வேண்டும் என்ற முயற்சியும் நடைபெற்றது. அதை பல பதிவர்கள் மற்றும் நானும் கூட பல இடங்களில் பேசி இருக்கிறேன்.

இயல் இசை நாடகம் என்ற பிரிவுகளில் இருக்கும் கலப்புகளை அகற்றுவது என்பது எளிது. தனித்தமிழ் இயக்கம் அதைத்தான் செய்தது. ஆனால் இறைத்தமிழ் என்ற பிரிவில் இருந்து அகற்றுவது என்பது அவ்வளவு எளிதாக இல்லை. ஏனென்றால் புனிதம் என்ற பெயரில் பூவை காதில் சுற்றி சமஸ்கிரதம் தேவபாசை என்று ( இன்றும் கூட) வெளி உலகம் தெரியாதவர்களிடம் நம்ம வைக்கப்பட்டு இருந்தது. அப்படி நம்புபவர்களில் எனது பெற்றோரும் கூட அடக்கம்.

தேவபாசை என்ற சொல்லாடாலை நூற்றாண்டிலேயே கால்டுவெல் தகர்த்து எறிந்துவிட்டார். போதாகுறைக்கு தேவபாசையின் சொற்களில் இருந்த தமிழ் சொற்களையும், தமிழ் திரித்தல்களையும் தேவநேய பாவாணர் அம்பலப்படுத்துவிட்டார் எனவே தேவ பாசை என்பது கலப்பில்லாதா (அக்மார்க்) மொழி இல்லை. ஆகவே இப்போதெல்லாம் தேவபாசை என்ற பசையை சிலைகளின் மீது ஒட்டமுடியாது. இருந்தாலும் முயற்சியாக செய்யபடுவது என்ன தெரியுமா ?

"கடவுள் மொழிக்கு எல்லாம் அப்பாற்பட்டவர் எனவே வடமொழியை விலக்கி கடவுளைப் பார்க்க வேண்டியதும், அப்படி செய்பவனும் பக்தி மானே இல்லை"

- இதை மேலோட்டமாக பார்த்தால் சரியாகச் சொல்கிறார்களோ என தோன்றும் ஆனால் அதையே திருப்பிக் கேளுங்கள் இறைவன் தான் மொழிக்கு அப்பாற்பட்டவர் ஆயிற்றே அப்பறம் ஏன் வடமொழியில் தான் வணங்கவேண்டும், அது அப்படியே இருக்க வேண்டும் என்று விருப்புகிறீர்கள் ? என. உடனேயே "இது விதண்டாவாதம்" என்று சொல்வதைத்தவிர நேரடியாகவே பதில் வரவே வராது.

காலம் காலமாக புனிதம் என்ற சந்தனப் பூச்சில் வடமொழியை குழைத்து இறைவனுக்கு சாற்றி வருவதும். அதுதான் "நல்லது" தெய்வத்துக்கு "உகந்தது" என்று சொல்லி வருவதும் தெரிந்ததுதான். வெள்ளைக்காரன் மட்டும் வந்து விடுதலை கொடுக்காவிட்டால். நாடும் நாட்டு மக்களும் நாசமாகவே போயிருப்பர்.

தற்போது யார் காதிலும் பூ வைக்க முடியாது. பேசாது என்ற துணிச்சலில் கோவில் சிலைகளுக்கு சுற்றட்டும். பக்தர்களுக்கு தேவையா ?
விதண்டாவாதம் பேசுபவர்கள் எவராவது இறை துதியில் "உயர்வு", "புனிதம்","தேவபாசை" என சொல்லும் போது அதே கேள்வியை திருப்பி கேளுங்க, இதுபோல

மடையர்களே ! எல்லாவற்றிற்கு அப்பாற்பட்ட இறைவனை தமிழில் ஆரதனை செய்வதால் அவனுக்கு என்ன இழுக்கு ? மொழிக்கு அப்பாற்பட்டவன் இறைவன் அன்றோ ?

இன்னும் ? இங்கே இருக்கிறது !
--
அன்புடன்,

கோவி.கண்ணன்