சென்னை பட்டாளம் !

நடந்த சென்னை பதிவர் சந்திப்பு பற்றி சிலர் எழுதிவிட்டதாலும், நடந்து முடிந்து 10 நாட்கள் ஆகிவிட்ட பிறகு அதைப் பற்றி எழுத, நினைவில் இருந்து எழுதி கற்காலத்திற்கு கொண்டு செல்ல விரும்பவில்லை. பல புகைப்படங்களை எடுத்தேன். அதில் சிலவற்றையும், சில செய்தி துணுக்குகளையும் பகிர்ந்து கொள்கிறேன்.

* எனது (நண்பரின் சொந்த) மகிழுந்தில் சரியாக மாலை 5 மணிக்கு கிழக்கு பதிப்பகம் வாசலில் இறங்கினேன்.




* அதிஷாவும், கேபிள் சங்கரும் முன்பே நின்று கொண்டு இருந்தார்கள்


* எங்க ஊர்காரான பத்ரி அண்ணனை முதன் முதலில் பார்த்தேன். எலெக்ட்ரிக் ஸ்கூட்டி ஓட்டுவது பற்றி சிறப்பு பாடம் எடுத்தார்




* முகமூடி போட்டுக் கொண்டு பைக் லபக்குவது பற்றி செய்முறை விளக்கம் கொடுத்தார் அதிஷா




* வெள்ளை வெளீரென்ற சட்டையில் பளீரென்று வந்து நின்றார் நர்சிம்


* இவரிடம் பேசியே ஆகவேண்டும் என்று காண்போரை நினைக்க வைக்கும் வெண்பூ. எப்டிங்க எப்போதும் புன்னகையோடு இருக்கிங்க ?

* 'ப்ரஸ்காரங்க என்று சொன்னாலும் விடமாட்டறானுங்க' லக்கி லுக் டிராபிக் காண்ஸ்டபிளிடம் சிக்கிய கதையைச் சொன்னார்.


* இரண்டு குழந்தைகளுக்கு அப்பாவான மகிழ்ச்சியா ? முரளி கண்ணனை ஆறுமாதத்திற்கு முன்பு பார்த்தைவிட எடை கூடுதலாகவும், முகம் நல்ல பளப்பளப்பாகவும் இருந்தார். குழந்தைக்கு கொடுக்கும் பால் பவுடர் விரைவாக தீருதா, எல்லாத்தையும் நீங்களே கலக்கி குடிச்சிடுறிங்களான்னு கேட்க மறந்துட்டேன்

* உங்க பதிவு தலைப்பில் போட்டு இருக்கும் படங்களும், உங்கள் திரைவிமர்சனங்களும் சூப்பர் பலரும் பாராட்டுகிறார்கள் என்று கேபிள் சங்கரிடம் சொன்னேன். குறுகிய காலத்தில் 75 ஆயிரம் ஹிட்ஸ் குறிப்பிட்டு பாராட்டினேன். சினிமா துறையில் (இருந்து) வலைவீசுபவர், ஏ,பி, சி செண்டர்கள் பற்றிச் சொன்னார். ஏ வும் பி யும் இப்ப ஒன்றாகிவிட்டது என்றார்.


* டோண்டு சார் வழக்கம் போல் இறுக கட்டி அணைத்து எனக்கு இன்ப அதிர்ச்சி கொடுத்தார்

* யெஸ்பா இணையர்கள் தோன்றினார்கள், இல்லறப் பொறுப்பு கூடுதல் ஆகிவிட்டதால் கூட்டம் முடிவதற்குள் யெஸ் ஆகிவிட்டார்

* எங்காவது பெரும் கூட்டத்தை கலைக்க கண்ணீர் புகையெல்லாம் தேவை இல்லை, டோண்டு சாரிடம் மைக் கொடுத்து இஸ்ரேல் பற்றி பேசச் சொல்லுங்க ஈ காக்காய் கூட அங்கிருக்காது என்று டோண்டு இஸ்ரேல் பற்றி சிறப்பு விவாத உரையாற்றிய போது எழுந்து வந்த நண்பர்கள் கிழே இளைப்பாறிக் கொண்டு பேசிக் கொண்டு இருந்தார்கள். 'நீங்களும் வந்துட்டிங்களா கோவி?' புரூனோ சார் கேட்டார். அவர் முதலில் எழுந்து சென்றதாக மற்றவர்கள் சொன்னார்கள். உண்மையா புரூனோ சார் ? :)

* நாடகமே உலகம் - நாடகம் போடுவதற்காக எப்படியெல்லாம் நடிக்க வேண்டி இருக்கிறது - இராதா கிருஷ்ணன் ஐயா தனது அனுபவங்களை பகிர்ந்து கொண்டார்


* படித்துறை கனேஷ் - பல விவாதங்களில் கலந்து கொண்டு அசத்தினார். நடந்த விவாதங்களில் மிகுதியா பேசியவர்கள் கனேஷ், பத்திரி, சங்கர், டோண்டு மற்றும் சையத்.

* தோற்றம் மற்றும் பேச்சுகளால் பலரையும் என்னையும் ஈர்த்த மற்றொருவர் அக்னிபார்வை

* புரூனோ சார் ஏனோ மிகுதியாக பேசவில்லை, மேலே நடந்த சந்திப்பை விட கீழே உற்சாகமாக இருந்தார்.


* திரைத்துறையைச் சார்ந்தவர்கள் மூவர் அதுபற்றிய விவாதம் நல்ல முறையில் நடந்தது




* வெட்டப் போகிற ஆடு போல விஜய் ஆனந்த் நடுங்கியது ஏன் என்று தெரியவில்லை




* 30க்கும் மேற்பட்டவர்கள் கலந்து கொண்டார்கள், அதிஷா எல்லோரையும் வரவேற்றார். பத்திரி அண்ணன் எல்லோருக்கும் தேவையான தண்ணீரை தருவித்து கொடுத்து, இடமும் கொடுத்து பலவற்றைப் தொட்டுப் பேசினார்






* மொட்டைமாடியில் இருந்து கூட்டம் கலைந்ததும் பாதியளவுபேர் டீக்கடையில் தேனிர் அருந்துவிட்டு விடைபெற்றோம்.

* அத்திரி மற்றும் ஜ்யோராம் சுந்தரை எதிர்ப்பார்த்து இருந்தேன், அவர்களுக்கு அம்பத்தூரில் மற்றொரு நிகழ்வுக்காக சென்று இருந்ததை பின்னர் அறிந்தேன்

லக்கி : அடுத்த முறை கூட்டம் போட்டால் அஜண்டாவில் இல்லாததைப் பேசக்கூடாதுன்னு சொல்லனும் என்று முன்பே சொன்னேன். யாராச்சும் சொன்னிங்களா ? இப்ப என்ன ஆச்சு ?