ஆண்கள் வெட்கப்படுவது எப்போது ? - Adults Only

ஒரு ஆண் பாலியல் தொழிலாளியிடம் முதல் முறை செல்லும் போது இருக்கும் கூச்சத்தை விட, அப்படி செல்லாத ஆண்கள் ஒவ்வொரு முறையும் ஆணுறை வாங்கப் போகும் போது இருக்கும் கூச்சம் பெரியது என்றே நினைக்கிறேன்.

நம் இந்தியாவில் ஆணுறைகள் கிடைக்கும் இடம் பெரும்பாலும் மருந்து கடைகள் (Medical Shop) தான், வீட்டின் அருகில் இருக்கும் மளிகைக் கடை, பொட்டிக் கடைகளில் கூட கிடைக்கும். ஆனாலும் தெரிந்த இடம் என்பதால் அங்கு வாங்க பலருக்கும் தயக்கம் இருக்கும்.

அறிமுகமில்லாத மெடிக்கல் ஷாப் எங்கிருக்கிறது என்று பார்பார்கள், அதன் பிறகு அந்த கடையில் யாராவது மருந்து வாங்க நிற்கிறார்களா என்று பார்ப்பார்கள், அதன் பிறகு யாரும் இல்லை என்று உறுதிப் படுத்திக் கொண்டு கடைக்கு அருகில் சென்றால் எதிர்பாராத அதிர்ச்சியாக அங்கு ஒரு பெண் பணியாளர் இருப்பார். அவ்வளவுதான் அடுத்த கடைக்கு நடையைக் கட்டிவிடுவார்கள். அங்கு ஆண் பணியாளர் இருந்தால் மட்டுமே வாங்குவார்கள், அவர் தரும் வரைக்கும் யாரும் கடைக்கு வேறு எதாவது வாங்க வந்துவிடுவார்களோ என்று திரும்பி திரும்பி பார்த்துக் கொள்வார்கள். தப்பித் தவறி ப்ராண்ட் பெயரைக் கடைக்காரர் கேட்டுவிட்டால் அதற்கும் கூச்சம் வந்துவிடும், அதற்கெனவே சுறுக்கமான இரண்டு எழுத்து பெயர் இருக்கும் (KS - Kama Sutra ...) அதை சற்று தயக்கத்துடனே சொல்லி வாங்குவதற்குள் மூச்சு வாங்குவார்கள், இந்த லட்சணத்தில் வாசனை கலந்தது, சொரசொரப்பு உள்ளது, அதிர்வு உள்ளது என்கிற வகைகளெல்லாம் வேறு இருக்கும், அதை வாங்கிப் பயன்படுத்த வேண்டும் என்ற ஆசை இருந்தாலும் கூச்ச உணர்வினால் சொல்லிக் கேட்கவும் பலருக்கு தயக்கமாகவே இருக்கும்.

நண்பரின் மருந்து கடைக்குச் செல்லும் போது இந்த காட்சிகளையெல்லாம் கவனித்து வந்திருக்கிறேன். இங்கே சிங்கையில் யாரும் அவ்வளவு கூச்சப் படுவது போல் தெரியவில்லை. பேரங்காடிகளில் மளிகை பொருள்களோடு மாதத்திற்கு தேவையான அளவு அதனையும் சேர்த்து வாங்குவார்கள். பெரும்பாலும் பெண்கள் தான் பில் போட்டுத் தருவார்கள். சிங்கை முஸ்தபாவில் (பெரும்பாலும் இந்தியர்கள் செல்லும் கடை) தரைத்தளத்திலேயே விதவிதமான ஆணுறைகள் வைத்திருக்கும் ஒரு பகுதி இருக்கும், யாராவது ஒரு ஆண் அங்கு தைரியமாக நின்றாலே அவரை பலரும் ஒரு முறையேனும் முகத்தைப் பார்த்துவிட்டுச் செல்வார்கள்.

ஆணுறை வாங்கப் போகும் போது இருக்கும் கூச்சம் தேவையற்றதாகவே தெரிகிறது. வாங்குவதற்கு இவ்வளவு தயக்கம் காட்டும் நம்மக்கள் மக்கள் தொகையை இந்த அளவுக்கு உயர்த்தி இருப்பதும் வியப்பாகவே இருக்கிறது. இங்கே வெளிநாட்டில் செக்ஸ் டாய்ஸ் கடைகள் ஒரு சில இடங்களில் இருக்கும், அதனுள் சென்று வருபவர்கள் எவரையும் பார்த்தால் திருமணம் ஆனவர்களாகவே தெரியாது. திருமணம் ஆகாதவர்களுக்கு மாற்று வடிகால், அது சரியா ? தவறா ? என்பது தனிமனித மனம் தொடர்புடையது. இருந்தாலும் கண்டிப்பாக அவற்றினால் பாலியல் நோய்கள் வராது.

பெரும்பாலும் புதிதாக திருமணம் செய்து கொண்ட ஆண்களுக்கு ஆணுறை வாங்கச் செல்லும் போது தயக்கமும், கூச்சமும் இருக்கும், அதைத் தவிர்க்க,

'முடிந்த' ஆண்களுக்குத்தானே ஆணுறை தேவை, வாங்கும் போது 'என்னால் முடியும்' என்ற நினைப்பின் உற்சாகம் இருந்தால் ஆணுறை வாங்கப் போகும் போது கூச்சம் கண்டிப்பாக வராது ! :)

********

பெங்களூரு: பெங்களூரில், ஆணுறை வாங்கினால், "டார்ச் லைட்' பரிசாக வழங்கப்படுகிறது. மக்களிடம் ஆணுறை பயன்படுத்தும் பழக்கத்தை அதிகரிக்க, வித்தியசமான பிரசார முறைகளை, பாப்புலேஷன் சர்வீஸ் இன்டர் னேஷனல் (பி.எஸ்.ஐ.,) என்ற தொண்டு நிறுவனம், கையாண்டு வருகிறது. இந்நிறுவனம், கடந்த ஆண்டு, ஆணுறை பயன்படுத்துவது குறித்த விழிப்புணர்வை அறிய, சர்வே நடத்தியது. அதில், கடைக்கு சென்று ஆணுறை வாங்குவதற்கு மக்கள் தயக்கம் காட்டுவது தெரிய வந்தது. ஆணுறையை பிரபலப்படுத்தும் நடவடிக்கையில் இறங்கியுள்ளது. - இது தினமலர் செய்தி

இந்த திட்டம் தமிழ் நாட்டிலும் செயல்படுத்தப்பட்டால் நல்லது, தமிழக மக்கள் தான் மின்சாரம் இல்லாமல் கும்மிருட்டில் அவதிக்குள்ளாகுறார்கள். :)

படிக்கத் தவறாதீர்கள் :

பெண்கள் வெட்கப்படுவது எப்போது? Not Adults Only - பொடியன்--SanJai