பரிசல்காரனின் புலம்பல் !

நம்ம திருப்பூர் பரிசல் கூட பேசி நாளாச்சு என்று தொலைபேசியில் அழைத்தேன்.

"ஹூம்... சொல்லுங்க கோவிஜி"

"நீங்க கோவிஜி கோவிஜிங்கிறதைப் பார்த்துட்டு 'கோ விஜி' ங்கிற பிகரை ரூட் உடுறதாவும், உமாவிடம் போட்டுக் கொடுக்கப் போவதாகவும் சென்ஷி தலைமையிலான ஒரு கும்பல் சதித் திட்டம் தீட்டுது"

"உமா கிட்டயா ? என்னப் பத்தியா ? வேற எதாவது நடக்கிற கதையாக பேசுங்க கோவிஜி...உமா நான் கிளிச்ச கோட்டை தாண்டாது....."

"ஏன் ? அப்படியே எடுத்து பாத்திரகாரனுக்கு போட்டுட்டு பக்கெட் வாங்கிடுமா உமா ?"

"காலங்கார்த்தால கடிக்காதிங்க கோவிஜி...கம்பெனியே நொந்து போய் இருக்கு.....நானும் நொந்து போய் இருக்கேன்..."

"நொந்து போறதெல்லாம் ஒரு மேட்டரா ? அது எல்லாத்தையும் பதிவுல அவியலாக்கிடுவிங்களே....உங்களுக்காச் சொல்லித்தரனும் ?"

"போட்டுடலாம்... ஆசிப் அண்ணாச்சிக்கு தான் பயப்படுறேன்...."

"இது என்னாது சொட்டத்தலைக்கும் கிரிக்கெட் கிரவுண்டுக்கும் தொடர்பு இருப்பது மாதிரி பீல் பண்ணுறிங்க... அண்ணாச்சி என்ன செய்துடுவார்..மிஞ்சி மிஞ்சி போனா...நிறுத்துங்கடே...ஜட்டிப் போடுங்கடேன்னு சவுண்டு ஊடுவார்"

"மொதலில் சொன்னத செய்ய முடியாது, நிறுத்திவிட்டால் தொழில் பாதிக்கும், தொழிலாளர்களுக்கு சம்பளம் கொடுக்க முடியாது..."

"பரிசல், கொஞ்சம் புரியிற மாதிரி பேசுங்களே, எல்லோரையும் உமா மாதிரி கேள்வி கேட்காமல் சொல்றதை ஏத்துக்குவாங்கன்னு நினக்கிறது ரொம்ப தப்பு"

"தன்னைப் போல் ....."

"தத்துவமா ? நான் வரலை, இப்ப சொல்லவில்லை என்றால் போனை கட் பண்ணிடுவேன்"

"வர்றேன்....வர்றேன்.... நம்ம ஆர்காடு வீராசாமி இருக்கார் இல்லையா ? அவரால் தான் பிரச்சனையே "

"அவரு என்ன பண்ணினார், பீஸ புடுங்குவார், அதுக்கும் உங்க கம்பெணி உற்பத்தி பாதிக்கிறத்துக்கும் என்ன சம்பந்தம், தொழிற்சாலைக்கு கரண்டு தட்டுபாடு குறைவாகத்தான் இருக்குதாமே ?"

"சரிதான், ஆனால் புரடியூஸ் பண்ணுற பொருளை வாங்கனுமே...எங்க கம்பெனிக்க்கு கரண்டு இருந்து மட்டும் என்ன லாபம்......துணி வாங்கிறவங்க வீட்டுலயும் கரண்டு இருக்கனுமே"

"என்னய்யா இது சுருளி மாதிரி பேசுறிங்க...கரண்டு போனா இருட்டுல எல்லோரும் துணிய அவுத்து வச்சிட்டா இருப்பாங்க..."

"இப்பதான் சரியான பாயிண்டை புடிச்சிட்டிங்க...இராத்திரி ஆனாலே நம்ம ஆளுங்க காத்தாட...ஜட்டியெல்லாம் அவுத்து வச்சிட்டுதான் படுப்பானுங்க....கரண்டு அடிக்கடி போவதால்.......பகலும் புழுக்கம்.....இரவிலும் புழுக்கம்....தமிழ்நாட்டில் ஆம்பளைங்க யாருமே ஜட்டி போடறது இல்லையாம்....."

"என்ன கொடுமை பரிசல்...இப்படியெல்லாமா நடக்கும் ?"

"நடந்துட்டே......மாதம் 1 லட்சம் ஜட்டி தயார் பண்ணுகிற எங்க கம்பெணியில் போன மாதம் வரை தயாராக இருந்த 2 லட்சம் ஜட்டி அப்படியே தேங்கிக் கிடக்கு..."

"ஆர்காட்டாரின் செயல்பாடு எங்கெல்லாமோ பாதிக்குதேய்யா...."

"அதான் கவலையாக இருக்கேன்... ஆண்களுக்கு அது பழகிவிட்டால் ... இப்படியும் நல்லாதானே இருக்குன்னு ... அப்பறம் கரண்டு எப்போதும் வந்தாலும், சூரியாவை வச்சி சுடர்மணி ஜட்டி விளம்பரம் போல் விளம்பரப் படுத்தினாலும் ... பாவிங்க... வாங்கவே மாட்டானுங்க..."

"ஹூம் ஞாயமான கவலைதான்..."