லக்கிலுக் ஐயங்காரிடம் கேட்கக் கூடாத கேள்விகள் !

டி.எம்.சவுந்தராஜன் தமிழர்களின், இசை ஆர்வளர்களின் அன்புக்குரிய மிகப்பெரிய பாடகர், இசைக் கலைஞர். திரையுலகினர் குறிப்பாக எம்ஜிஆர் உட்பட்ட பல்வேறு நடிகர்களை இவரது பாடல்கள் ஆட்டிப்படைத்தன.பக்தி, காதல், தத்துவம் ஆகிய பிரிவுகளில் இவர் பாடிய பாடல்கள் என்றுமே சாகாவரம் பெற்றவை. இவ்வளவு புகழ்பெற்ற பாடகருக்கு வாழும் காலத்தில் மிகப்பெரிய பாராட்டு நடத்தவில்லை என்று வருத்தப்பட்டவர்களில் நானும் ஒருவன். சென்ற ஆண்டு அண்ணன் அழகிரி தலைமையில் டிஎம்எஸ் அவர்களுக்கு பாராட்டு என்றதும் மிகவும் மகிழ்ந்தேன். அதன் பிறகு பேச்சு எதுவும் எழவில்லை.

சென்ற வார நக்கீரனைப் புரட்டியபோது 10 பக்கங்களில் அண்ணன் அழகிரியைப் பாராட்டிய விளம்பரங்கள் வந்தது, அண்ணனுக்கு பாராட்டு எப்போதும் நடப்பது தானே, அண்ணன் தற்பொழுது என்ன சாதனை செய்திருக்கிறார் என்று பார்க்கலாம் என்று விளம்பரததைப் பார்த்ததும் தான் தெரிந்தது, டிஎம்எஸ்க்கு மதுரையில் பாராட்டுவிழாவாம். 10 விளம்பரங்களில் சிலவற்றில் டிஎம்எஸ் படமே இல்லை. இருந்த சிலவற்றில் தக்குனியோண்டு படமும், அண்ணன் படத்தை பெரிதாகவும் அடித்து இருந்தார்கள். அண்ணன் விளம்பரம் கொடுக்கவில்லை, அண்ணனின் அன்பு உடன்பிறப்புக்கள் தான் கொடுத்திருப்பார்கள், அண்ணன் தான் விளம்பரத்துக்கு ஆசைப்பட மாட்டாரே. டிஎம்எஸ்சை பாராட்டும் அண்ணனுக்கு பாராட்டாக தம்பிகள் தான் வெளம்பரம் செய்து இருக்கிறார்கள். கூச்ச சுபாவம் உள்ள அண்ணன் இதையெல்லாம் பார்த்து இருப்பாரா என்றே தெரியவில்லை.

*****

அண்ணனைப் பாராட்டிய திமுக தலைவர் கலைஞர், தான் பெற்ற பிள்ளையென்பதால் வாழ்த்தாமல் விட்டால் நாளைய உலகம் அப்பா - மகன் உறவால் மகனைப் புறக்கணித்தார் என்று தூற்றாதா, சிறந்த சேவையாற்றும் ஒருவரை மகனென்பதால் பாராட்டாமல் விட்டால், நாளைய உலகம் தந்தையாக நடந்து கொண்டாரேயன்றி ஒரு கட்சித்தலைவராக நடந்து கொள்ளவில்லை என்று பின்னால் பேசமாட்டார்களா ? என்றெல்லாம் கருதி ... மனப்போராட்டம் ஒரு ஓரத்தில் இருந்தாலும், பாசத்தை புறம் தள்ளிவிட்டு அண்ணனுக்கு
பெரும் பாராட்டையே நடத்திவிட்டார் கலைஞர். இது பற்றி விரிவாக தட்ஸ்தமிழில் வந்திருக்கிறது.

கலைஞரின் பாராட்டில் சில துளிகள் :

"மு.க.அழகிரிக்கு இன்னொரு பெயர் உண்டு. அது அஞ்சா நெஞ்சன். அப்படி அழைத்தே பழக்கப்பட்டவர்கள் மதுரை மக்கள். அழகிரிக்கு அஞ்சா நெஞ்சன் என்ற பட்டப் பெயர் வந்ததற்கு ஒரு காரணம் உண்டு.

திருவாரூரில் அழகிரி பிறந்து, குழந்தையாக அறைக்குள்ளே கிடத்தப்பட்டிருந்தபோது, என் வீட்டுக்கு வந்தார் பெரியார்.

குழந்தைக்கு என்ன பெயர் வைத்திருக்கிறாய், என்றார். நான் உடனே அழகிரி என்றேன். சரியான முரட்டுப் பெயரைத்தான் வைத்திருக்கிறாய் என்று அன்றைக்கே பெரியார் சொல்லிவிட்டார். மதுரை மாவட்டத்தில் உள்ள காளையர்களும் தோழர்களும் அதை உறுதி செய்திருக்கிறீர்கள்.

இதைக் கண்டு உள்ளம் பூரிக்கிறேன். பெருமையும் மகிழ்ச்சியும் அடைகிறேன். எதற்கு அஞ்சாவிட்டாலும் கூட, ஏழைகளின் கண்ணீருக்கு அஞ்சவேண்டும் என்றான் ஒரு கவிஞன். அந்தப் பெருமையும் அழகிரிக்கு உண்டு. அந்த உள்ளம் வளர வாழ்த்துகிறேன்."

*******

அண்ணனுக்கு யார் அஞ்சுகிறார்களோ, மாறன் மகன்கள் அஞ்சுவார்கள்.

லக்கி ஐயங்கார்,

அண்ணன் அஞ்சா நெஞ்சனாகவே இருப்பதில் மிக்க மகிழ்ச்சி,

1. மதுரைக்கு அருகில் தான் இருக்கிறது சேதுக்கால்வை, அண்ணன் அஞ்சா நெஞ்சன் அந்த திட்டத்தை விரைவில் நிறைவேற்ற உதவுவாரா ?

2. ஒகனேக்கல் கெனத்துல போட்ட கல் மாதிரி கிடக்கு, அதையும் அண்ணன் தான் நிறைவேற்ற முடியும் என்று நினைக்கிறேன், அண்ணன் மனது வைப்பாரா ?

3. சிறந்த உள்ளாட்சித்துறை அமைச்சராக செயல்பட்டார் என்ற பாராட்டு தளபதி ஸ்டாலினுக்கும், அண்ணனின் பெருமையையும் கூறியாகிவிட்டது, பெண்களை பெருமை படுத்துவிதமாக கலைஞரின் கண்மணிக்கு பாராட்டு விழா எதுவும் நடக்க இருக்கிறதா ?