உதிரம் ...

(பெண்ணிய குமுறல்)
உதிரப் போக்காய்
உதிர்ந்து இருக்கவேண்டிய நீ, என்
உதிரம் பெற்றுகொண்டு,
உதிரப் போக்குடையவள் என்பதால்,
உதிர்க்கிறாய் நான் தூய்மையற்றவள் என்று !
உதிரும் வெறும் வார்த்தைகள் அல்ல அவை,
உதிரத்தை நான்
உதிராமல் பொத்தியதால், என்
உதிரத்தில் ஊரினாலும்,
உதிராத அழுக்குகளை, உன்

உதிரத்தில் வைத்துக்கொண்டு,
உதிர்க்கும் எனக்கு எதிரான கெட்ட
உதிர வார்த்தைகள் அவை !